IKASLEEN LANAK TXERTATZEN

Aspaldikoa da baina... Bixarrekin egiten zituzten lanak gogoratzeko.

... eta hau ere aldatuko da.

Bufff! itolarria izan da artikulu hauek irakurtzean sentitu dudana. Gure etxean eta lanean hain lasai gabiltza gure ordenadoreekin lanean, jolasean, sormen lanetan eta hau guztiaren atzetik badabil hainbat interes eta goi kargu beraien borondate eta interesen arabera gauzak arautu nahian. "Gran hermano" batek (izugarri handi batek) kontrolatu nahi gaitu denak, jada nahikoa ez bagaude ere, batez ere Internetek neurri handi batean ahalbidetzen duelako.

Badirudi orain arteko gertaera eta egoera guztiak kontrolpean zeudela, ez zegoela hauen egokitasuna neurtzeko arazorik: ongi badago, aurrera; gaizki badago, zigorra. Baina zer gertatzen da orain? Ingurune, bizimodu, tresna, filosofia berriak eta horiek arautu behar. Nola? Hor dago gakoa.

Internetek ematen digun askatasuna hemendik gutxira mugatuko digutela  iruditzen zait. Ez agian, Richard Stallman-en idatzian azaltzen den neurrian (edo guk hau ez dugu ezagutuko) baina bai arlo askotan jendea hain libre izateak norbaiti traba sortzen hasten dion heinean. Ez dut honekin esan nahi edozein gauza egiteko askatasuna izan behar dugunik, ezta inola ere, baina zentzuz jokatzen badakigu gehienok. Lan bat egiten duenak aitorpen bat merezi du eta pertsona hori izango da bere lanarekin zer egin daitekeen erabaki dezakeena. Berak zabaltzeko baimena ematen badu, irakurtzeko, moldatzeko... zerk edo nork oztopa dezake du hori?

Norberaren baitan dago mundu berri honen barruan darabilgunari neurria jartzea; norberaren lana da ongi eta gaizki zer dagoen jakitea, uste dut ez digutela hau orain erakutsi behar, eta norberaren esku dago ere dagokionari bere lanaren aitorpena egitea.

Neurri handiago edo txikiago batean denok kopiatu dugu, gure ustean beste inori kalterik egin gabe eta ziurrenik hala jarraituko dugu. Guretik ere noizbait kopiatuko zutela? Noski! Garrantziarik ematen al diogu honi? nik behintzat, ez, baina aitortzen dut nik egindakoa dela aipatzea nire egorako gustagarria izango litzatekeela. Arrazoi honengatik, nire blogean "CC by" lizentzia jartzea erabaki dut. Nahi duenak ikusi, irakurri, erabili, moldatu eta traba handia ez bada, nirea dela aipatu.

3.3. Conflicto en el ciberespacio

Hona hemen gure lana

Hori ez al da...? on Dipity.

Gure lana - INTERNETEN SORTZEN ARI DIREN KREAZIO MOTA BERRIAK

Azkenean egin dugu, irudiak sartzen hasi, emozionatu gara, bi editore batera lanean eta arratsaldean arazoak: argia joan, internet izorratu, etab loze bat. Baina azkenean hemen dago.

Mundu berri bat

Gauza pila pasatzen zait burutik eta denak ordenatzea zaila egiten zait.

Irakurri ditudan artikulu-idazkietan jakinak diren gauza asko eta berriak iruditu zaizkidan beste  hainbeste topatu ditut.Urte gutxitan aldatu beharko dugu ohikoa-antzinako den hezkuntza eredutik mundu berri bat gure aurrean izateak behartzen gaituenera. Ikasleak analfabeto (idatzi-irakurtzeko gai ez dena?) izatetik, irakasleak teknologia berrietan paper hori betetzera pasatu gara; edo, ez al da hala? Betidanik legezko iruditu zaiguna zalantzan jarri eta zigortuko genukeena onartu. Uste dut, nire kasuan behintzat, azken honekin izan ditzakedala arazorik gehienak.

Teorian bai. Denok badakigu zer iritsi den eta zer datorkigun gainera, baina ez diogu egoerari aurre egiten edo aurre egin nahi. Berritzaileen izan beharko lukeen taldea ez al da atzerakoiena? 

Ken Robinson-en bideoak argi uzten du zeinen ederki egiten dugun lana gizarte honetako partaide izango ez bagina bezala. Aparteko gela batean kokatu dugu gure lantokia eta izugarri kostatuko zaigu hemendik ateratzea. Gure bizitzetan arrapaladan sartzen ari den aro berri honek lo harrapatu ditu asko eta ez dute esnatzeko gogorik. Orain arte tresna horiek erabili gabe moldatu bagara zer beharra dugu orain erabiltzeko?

Zaila da guk menderatzen ez ditugun bitartekoen bidez ikasleak hezitzea eta are zailago gure eskemetatik at gelditzen den hainbat prozedura onartu eta praktikan jartzea, "edukien sorzaile" izateko modu berria, alegia.

Eta agian, IKTetan murgilduko gara pixkanaka-pixkanaka, derrigorrez askotan, baina zailena hurrengo pausoa izango da: teknologia berriak, gaur egun geletan erabiltzen dugun materialaren isla izatetik, ikasleek  bereganatu behar dituzten gaitasunak lortzeko baliabide gisa erabiltzea.

WOMEN IN ART

2.4. jarduera

Normala da ikasleei tresna hau hainbeste gustatzea, mila gauza egin daitezke eta bisualki zoragarria da.

Sare sozialak on Prezi