Azkenean egin dugu, irudiak sartzen hasi, emozionatu gara, bi editore batera lanean eta arratsaldean arazoak: argia joan, internet izorratu, etab loze bat. Baina azkenean hemen dago.
2010/11/24
Mundu berri bat
Gauza pila pasatzen zait burutik eta denak ordenatzea zaila egiten zait.
Irakurri ditudan artikulu-idazkietan jakinak diren gauza asko eta berriak iruditu zaizkidan beste hainbeste topatu ditut.Urte gutxitan aldatu beharko dugu ohikoa-antzinako den hezkuntza eredutik mundu berri bat gure aurrean izateak behartzen gaituenera. Ikasleak analfabeto (idatzi-irakurtzeko gai ez dena?) izatetik, irakasleak teknologia berrietan paper hori betetzera pasatu gara; edo, ez al da hala? Betidanik legezko iruditu zaiguna zalantzan jarri eta zigortuko genukeena onartu. Uste dut, nire kasuan behintzat, azken honekin izan ditzakedala arazorik gehienak.
Teorian bai. Denok badakigu zer iritsi den eta zer datorkigun gainera, baina ez diogu egoerari aurre egiten edo aurre egin nahi. Berritzaileen izan beharko lukeen taldea ez al da atzerakoiena?
Ken Robinson-en bideoak argi uzten du zeinen ederki egiten dugun lana gizarte honetako partaide izango ez bagina bezala. Aparteko gela batean kokatu dugu gure lantokia eta izugarri kostatuko zaigu hemendik ateratzea. Gure bizitzetan arrapaladan sartzen ari den aro berri honek lo harrapatu ditu asko eta ez dute esnatzeko gogorik. Orain arte tresna horiek erabili gabe moldatu bagara zer beharra dugu orain erabiltzeko?
Zaila da guk menderatzen ez ditugun bitartekoen bidez ikasleak hezitzea eta are zailago gure eskemetatik at gelditzen den hainbat prozedura onartu eta praktikan jartzea, "edukien sorzaile" izateko modu berria, alegia.
Eta agian, IKTetan murgilduko gara pixkanaka-pixkanaka, derrigorrez askotan, baina zailena hurrengo pausoa izango da: teknologia berriak, gaur egun geletan erabiltzen dugun materialaren isla izatetik, ikasleek bereganatu behar dituzten gaitasunak lortzeko baliabide gisa erabiltzea.
2010/11/22
2.4. jarduera
Normala da ikasleei tresna hau hainbeste gustatzea, mila gauza egin daitezke eta bisualki zoragarria da.
2010/11/21
2.3. JARDUERA
Kostata baina hor doa 2.3. jarduera. Okerrena? testuak eta irudiak txukun azaltzea. Eta 2.4.rako indarrik bai?
2010/11/17
Facebook, twitter...
Egia esan nabari da ebaluazioa amaitzen ari dela eta indarrak bukatzen. Lan asko egiteko, mila gauza aurrera ateratzeko eta betiko eragozpena: denbora. Badakit ikastaroa bukatu behar dudala, hobe esan, bukatu NAHI dudala baina aste hau bereziki gogorra egiten ari zait. Egin duguna falta dena baino gahiago izan arren... oso iluna ikusten dut.
Sare sozialen lana ere egin nahiko nuke, aukerakoa izan arren, zertxobait gehiago ikasteko eta hausnarketaren bat egiteko. Ez ditut tresna hauek gogoko, izena emana dut twitter eta facebook-en baina denbora luzez egon naiteke bertan sartu gabe. Ez dut hauen beharrik, oraingoz. Erabilgarriak izango dira, zalantzarik gabe, baina nire lana egiteko moduan ez dute tokirik aurkitu. Egokitu beharko nituzke nire beharretara edo nik neuk nire burua egokitu haietara? Ez dakit. Egun hauetan oso gauza gutxi ditut argi.
2010/11/14
Teknologia berriak
Ikasten ari garen ezin gara bideo honekin identifikatu... baina izugarri gustatzen zait. Ea par pixka bat egiten duzuen.
2010/11/13
Arbela digitala martxan
Duela ia hamabost egun arbela digitalarekin izandako gorabeherei buruz hitz egin nuen. Burugogorra naizenez, azkenean lortu nuen. Formakuntzako saioak genituen azaroko lehenengo asteazkenean eta ordurako prest nuen egitura osoa.
Arkatza bazebilen, wii-aren mandoa ere primeran eta programaren instalazioa ere "perfect". Tristeena? irakasleak ez direla ohartu ere egin arbela digitala dugunik :(
Hazia erein dugu ea zerbait ateratzen den!
Arkatza bazebilen, wii-aren mandoa ere primeran eta programaren instalazioa ere "perfect". Tristeena? irakasleak ez direla ohartu ere egin arbela digitala dugunik :(
Hazia erein dugu ea zerbait ateratzen den!
2010/11/02
Suscribirse a:
Entradas (Atom)